Xaçmaz rayonunda Xocalı faciəsinin 31-ci ildönümü qeyd olunub. Bu barədə ShimalNews 25 fevral tarixində RİH-yə istinadən xəbər verir.
“Xocalını unutmayaq” adlı tədbir mədəniyyət mərkəzində keçirilib. Burada dövlət qurumlarının nümayəndələri iştirak ediblər. Onlar faciəyə həsr edilən sərgi ilə tanış olublar.
Daha sonra Xocalıya həsr olunmuş videoçarx nümayiş etdirilib. Mədəniyyət işçiləri və məktəblilər ədəbi-bədii kompozisya ilə çıxış edib, vətənpərvərlik ruhunda şeirlər səsləndiriblər.
İştirakçılar ulu öndər Heydər Əliyevin, Xocalı soyqırımı qurbanlarının və vətən uğrunda canlarından keçən şəhidlərimizin əziz xatirəsini 1 dəqiqəlik sükutla yad ediblər.
