Xaçmaz rayonunda Heydər Əliyevin anadan olmasının 101-ci ildönümü qeyd edilib. Bu haqda ShimalNews 10 may tarixində məlumat verir.
Tədbirdə Rayon İcra Hakimiyyətinin başçısı Elnur Rzayev, yerli hüquq mühafizə orqanlarının rəhbərləri, idarə, təşkilat və müəssisələrin kollektivləri, ağsaqqallar, ziyalılar və ictimaiyyət nümayəndələri iştirak ediblər. Onlar Heydər Əliyevin abidəsi önünə gül dəstələri düzüb, xatirəsini yad ediblər.
Ümummilli liderin anadan olmasının 101-ci ildönümü münasibətilə “Yaşıl dünya naminə həmrəylik ili” çərçivəsində ağacəkmə aksiyası keçirilib.
Aksiyada Elnur Rzayev, yerli hüquq-mühafizə orqanlarının rəhbərləri, idarə və müəssisələrin əməkdaşları, eləcə də gənc könüllülər iştirak ediblər.
Tədbir zamanı 101 ədəd ağac əkilib. Yeni əkilmiş ağaclara aqrotexniki qulluq göstərilib, suvarılması təmin edilib.
