Xaçmazda dəmir yolunun aşağı hissəsində tikinti materiallarını və digər tullantıları yığışdırmayan sakin cərimələnib. Bu barədə ShimalNews 30 iyul tarixində Xaçmaz Şəhər İnzibati Ərazi Dairəsinə (İƏD) istinadən məlumat verir.
Şəhərin Mirzə Kazımbəy, Ramin Sadıqov, Dağıstan, Xəzər, Arif Səlimov, İsmət Rəsulov və Çingiz Abdullayev küçələrində yaşayan sakinlərə evlərinin qarşısındakı tullantıları yığışdırmaları üçün xəbərdarlıq edilib. Bu səbəbdən İƏD-nin əməkdaşları əraziyə baxış keçiriblər. Yoxlama nəticəsində yalnız bəzi vətəndaşların xəbərdarlığa məhəl qoymaması məlum olub.
Bir neçə sakinə yenidən xəbərdarlıq edilib, bir vətəndaş isə cərimə edilib.
