Xaçmazda qonşusunu bıçaqlamaqda təqsirləndirilən qadının cinayət işi üzrə ibtidai istintaq başa çatıb. Bu barədə ShimalNews 26 iyul tarixində Apa-ya istinadən məlumat verir.
Mərziyyə Qədiyeva barəsində toplanan materiallar baxılması üçün Sumqayıt Ağır Cinayətlər Məhkəməsinə göndərilib.
Hadisə bu il Xudat şəhərində baş vermişdir. M.Qədiyeva mübahisə zəminində qonşusu Rasim Səmədovu bıçaqlamışdır.
Araşdırmalar nəticəsində məlum olub ki, Qədiyeva əvvəlcə qonşusu Zibeydə Həmrayevanın ona qarşı nalayiq ifadələr işlətməsinə görə onunla mübahisə edib. Bu səbəbdən qəzəblənən Qədiyeva evdən mətbəx bıçağını götürüb və Həmrayevanın əri Rasim Səmədovun işlədiyi yerə gedərək sonuncunu bıçaqlayıb.
