Xaçmaz Dəmir yolu əməkdaşları 3 kiloqram narkotik daşıyan şəxsi yaxalayıblar. Bu barədə ShimalNews 1 aprel tarixində Daxili İşlər Nazirliyinə istinadən məlumat verir.
Məlumata görə, polis əməkdaşları əməliyyat-axtarış tədbirləri keçiriblər. Nəticədə İran vətəndaşına narkokuryerlik edən Bakı şəhər sakini Natiq Əlizadə saxlanılıb.
Həmin şəxsin üzərində hər biri 1,5 kiloqram narkotik vasitə olan heroin və marixuana, psixotrop maddə olan metamfetamin, eləcə də psixotrop təsirə malik həblər (ekstazi) ümumilikdə 3 kiloqrama yaxın aşkar edilərək götürülüb.
Faktla bağlı cinayət işi başlanılıb və məhkəmənin qərarı ilə Natiq Əlizadənin barəsində həbs qətimkan tədbiri seçilib.
