Ötən həftə yağan intensiv yağışlar nəticəsində Bakı–Xudat magistral yolunun Xaçmaz şəhərindən keçən hissəsində sel suları yaranıb və bu suların istiqamətlənməsi problemi ciddi fəsadlara səbəb olub.
Shimal.News-a daxil olan şikayətə əsasən, sel suları şəhərin mərkəzi hissəsinə axaraq bir sıra fərdi yaşayış evlərinə və kommersiya obyektlərinə maddi ziyan vurub.
Sakinlərin bildirdiyinə görə, bu vəziyyət son illərdə xüsusilə artıb. Belə ki, əvvəllər sel sularını Qudyalçay istiqamətinə yönəldən kanalın ləğvindən sonra, yağış suları birbaşa şəhər ərazisinə dolmağa başlayıb.
Vətəndaşlar bildirirlər ki, problemin həlli üçün illər öncə mövcud olan kanalın bərpası vacibdir:
“Əgər bu istiqamətdə vaxtında tədbir görülməzsə, növbəti güclü yağıntılar zamanı oxşar vəziyyətin yenidən yaşanması qaçılmaz olacaq”.
Hazırda məsələ ilə bağlı aidiyyəti qurumların mövqeyi gözlənilir.
