Xaçmaz rayonunda "Kənd gənclərinin işsizlik problemləri" mövzusunda seminar baş tutub. Bu barədə ShimalNews 10 may tarixində məlumat verir.
Tədbir Gənclər və İdman İdarəsinin təşkilatçılığı ilə Yergüc kənd tam orta məktəbində keçirilib. Bu zaman bildirilib ki, bazar iqtisadiyyatının mövcud olduğu istənilən dövlətdə işsizlik problemlərinin olması təbii haldır. Bu kontekstdə dövlətin üzərinə düşən onun dərəcəsinin azaldılmasına nail olmaqdır.
Kənd təsərrüfatında ixtisaslaşan Xaçmaz rayonunda müvafiq istiqamət üzrə münbit şərait var. Buna görə gənclərə fərdi fermer təsərrüfatlarının inkişafına töhfə vermələri tövsiyə edilib. Daha sonra iştirakçıları maraqlandıran suallar cavablandırılıb.
