“Nə? Harada? Nə zaman?” intellektual oyunu üzrə Xaçmaz rayon birinciliyi keçirilib. Bu haqda ShimalNews 2 dekabr tarixində məlumat verir.
Vətən müharibəsi şəhidlərinin xatirəsinə həsr olunmuş şagirdlər arasında yarış 7 nömrəli tam orta məktəbdə baş tutub. İntellektual oyunda 10 komanda qalibiyyət uğrunda mübarizə aparıb. Yarışın nəticələrinə əsasən, Köhnə-Xaçmaz kənd tam orta məktəbinin “Alfa” komandası 1-ci yeri, şəhər 9 nömrəli tam orta məktəbin “1-0” komandası 2-ci yeri, şəhər 6 nömrəli tam orta məktəbin "Turan" komandası isə 3-cü yeri tutub.
Qaliblər təşkilatçılar tərəfindən medal və müvafiq dərəcəli diplomlarla təltif ediliblər.
