Xaçmaz rayonunda “Erkən nikahlar və onların fəsadları” mövzusunda seminar keçirilib. Bu haqda ShimalNews 21 noyabr tarixində Regional Gənclər və İdman İdarəsinə istinadən məlumat verir.
Heydər Əliyev Mərkəzində təşkill edilən tədbirdə erkən nikahların qarşısının alınması, yetkinlik yaşına çatmayanların hüquqlarının müdafiəsi istiqamətində gənclərin maarifləndirilməsi işləri aparılıb. Seminarda erkən nikahların əsas fəsadları kimi körpə və ana ölümü hallarının çoxalması, boşanma hallarının artması, qızların təhsil imkanlarının azaldılması, erkən nikahda olan qızların cəmiyyətdən təcrid olunmsı və onların daha çox zorakılığa məruz qalması barədə gənclərə geniş məlumat verilib.
32 gəncin iştirak etdiyi tədbirin sonunda qısametrajlı filmlər nümayiş etdirilib.
