Xaçmaz rayonunda fəaliyyət göstərən restoranda Azərbaycan Respublikasının Qida Təhlükəsizliyi Agentliyi (AQTA) planlı yoxlama aparıb. Bu barədə ShimalNews 27 iyul tarixində agentliyə istinadən məlumat verir.
Nabran kəndində fəaliyyət göstərən, fiziki şəxs Ağasıyev Aydın İlyas oğluna məxsus “Tel Bulağı” restoranında qida təhlükəsizliyi sahəsində normativ hüquqi aktların tələblərinə əməl olunmadığı məlum olub.
Burada sanitar-gigiyenik qaydalara, texnoloji ardıcıllığa, mal qonşuluğu prinsipinə riayət olunmadığı, xammalın qəbulu və saxlanılması, yeməklərin hazırlanmasının eyni sahədə həyata keçirildiyi, mətbəx sahəsində müvafiq təmizlik işlərinin aparılmadığı aşkar olunub. Həmçinin mənşəyi məlum olmayan, üzərində saxlama müddəti göstərilməyən, etiketlənmə tələblərinə cavab verməyən məhsullarının satışının və istifadəsinin həyata keçirildiyi müəyyən olunub.
Aşkar edilmiş pozuntularla bağlı müəssisə rəhbərliyi inzibati məsuliyyətə cəlb edilib. Müəssisədə xidmətlərin göstərilməsi dayandırılıb.
