Xaçmaz Rayon İcra Hakimiyyətinin təşkilatçılığı ilə 31 Dekabr - Dünya Azərbaycanlılarının Həmrəyliyi Günü və Yeni ilin gəlişi münasibətilə bayram tədbiri təşkil olunub. Bu haqda ShimalNews 27 dekabr tarixində məlumat verir.
Rəsmi hissədə Prezident İlham Əliyev tərəfindən mükafatlandırılan Xaçmaz Rayon İcra Hakimiyyətinin məsul əməkdaşı Sevil Quliyevaya təltif olunduğu “Dövlət qulluğunda fərqlənməyə görə” medalı təqdim olunub.
Həmçinin Xaçmaz Rayon İcra Hakimiyyətinin başçısı Elnur Rzayev şair Ramiz Qusarçaylını 65 illik yubileyi münasibətilə Fərman və qiymətli xatirə hədiyyəsi ilə mükafatlandırıb. Sonra rayonun ictimai, siyasi və mədəni həyatında fərqlənən bir qrup şəxslər təltif ediliblər.
Bayram tədbiri musiqili proqramla davam edib. Yeni il personajı Şaxta Baba şəhid övladlarını hədiyyələrlə sevindirib.
