Ötən gün Xaçmazda baş vermiş qəzada ölənlərin sayı iki nəfərə çatıb. Bu barədə ShimalNews 29 iyul tarixində məlumat verir.
Hadisə Xaçmaz-Quba yolunun Armudpadar kəndi ərazisində qeydə alınıb. Belə ki, “Toyota” markalı minik avtomobili körpüdən sola dönmək istədiyi zaman sürətlə gələn “BMW” markalı avtomobil ona arxadan çırpılıb. Nəticədə “Toyota” yolun əks istiqamətində hərəkətdə olan “KamAZ”-la toqquşaraq aşıb.
“BMW” markalı avtomobilin sürücüsü, Xaçmaz sakini Zaur Quliyev xəstəxanaya çatdırılıb. Lakin həkimlərin səylərinə baxmayaraq, onu xilas etmək mümkün olmayıb.
Daha öncə, “Toyota” markalı avtomobilin sürücüsünün dünyasını dəyişdiyi barədə xəbər vermişdik.
Faktla bağlı araşdırma aparılır.
[caption id="attachment_21541" align="alignnone" width="300"]
Photo Shimal.News[/caption]
[caption id="attachment_21540" align="alignnone" width="300"]
Photo Shimal.News[/caption]
[caption id="attachment_21539" align="alignnone" width="300"]
Photo Shimal.News[/caption]
[video width="352" height="640" mp4="https://shimal.news/storage/photos/2022/07/12_1.mp4"][/video]
