Xaçmaz-Quba yolunun Armudpadar kəndi ərazisindən keçən hissəsində ağır qəza baş verib. Bu barədə ShimalNews 28 iyul tarixində Report-a istinadən məlumat verir.
Zəncirvari qəza nəticəsində "BMW" və "Toyota Prado" markalı minik avtomobilləri "KamAZ" markalı yük maşını ilə toqquşublar.
"Toyota Prado" markalı maşının sürücüsü, 60 yaşlı Cəlil Güləhmədov dünyasını dəyişib. "BMW" markalı avtomobilin sürüsüsü Zaur Quliyev isə ağır dərəcəli bədən xəsarətləri alıb.
37 yaşlı Quba rayon sakini Xaçmaz Rayon Mərkəzi Xəstəxanasına çatdırılıb. Güləhmədovun meyiti müayinə olunması üçün Səhiyyə Nazirliyinin Məhkəmə-Tibbi Ekspertizası və Patoloji Anatomiya Birliyinin Xaçmaz rayon şöbəsinə təhvil verilib.
