Sosial şəbəkələrdə yayılan məlumatlara görə, Xaçmaz rayonunun Qusarçay kəndində yeniyetmə qız ərə verilib. Bu haqda ShimalNews 6 may tarixində “Baku TV”yə istinadən məlumat verir.
Daxili İşlər Nazirliyinin (DİN) Mətbuat Xidmətinin Quba regional qrupunun baş inspektoru polis baş leytenantı Xəyal Talıbov bildirib ki, azyaşlı qızın zorla ərə verilməsi barədə məlumat araşdırılıb. Müəyyən edilib ki, 17 yaşlı M.S. 37 yaşlı Qaraqurtlu kənd sakini T. F. ilə könüllü razılaşma yolu ilə nişanlanıb. Onlar ailə həyatı qurmayıblar.
Faktla bağlı hazırda Xaçmaz Rayon Polis Şöbəsində zəruri araşdırmalar aparılır.
Qusarçay kənd tam orta məktəbinin direktor əvəzi Rauf Məmmədov bildirib ki, qız altıncı sinifdən məktəbə gəlmədiyi üçün məktəbdən çıxarılıb.
[video width="1080" height="1920" mp4="https://shimal.news/storage/photos/2024/05/30631.mp4"][/video]
