Xaçmazda köməksiz vəziyyətdə qalan şəxsə xilasedicilər yardım ediblər. Bu haqda 5 may tarixində ShimalNews Fövqəladə Hallar Nazirliyinə (FHN) istinadən xəbər verir.
Böhran Vəziyyətlərində İdarəetmə Mərkəzinə 1 nəfərin barmağında üzüyün sıxılması barədə məlumat daxil olub. Onun köməyinə FHN-in Şimal Regional Mərkəzinin xilasetmə qüvvələri çatıb. Həyata keçirilən tədbirlər nəticəsində vətəndaşa müvafiq köməklik göstərilib.
