Xaçmazda "Kitabsevərlər" adlı tədbir keçirilib. Bu haqda ShimalNews 26 aprel tarixində məlumat verir.
Tədbir Zərifə Əliyevanın doğum günü və 23 Aprel – Ümumdünya Kitab və Müəlliflik Hüququ Günü münasibətilə Zəfər parkında təşkil edilib. Burada RİH-nin başçısı Elnur Rzayev, YAP Xaçmaz Rayon Təşkilatının sədri Məhəmməd Balaqadaşov, Quba-Xaçmaz RTİ-nin müdiri Çoşqun Əliyev, rayon ictimaiyyətinin nümayəndələri, məktəblilər, yeniyetmə və gənclər iştirak ediblər.
Qonaqlar məktəblilərin əl işlərindən ibarət rəsmlər və müxtəlif məzmunlu kitab sərgisi ilə tanış olublar. Sərgidə Heydər Əliyevin, Zərifə Əliyevanın həyat və yaradıcılığından bəhs edən kitablar və rəsmlər çoxluq təşkil edib. Məktəblilər müxtəlif şeirlər səsləndirib, sərgidə nümayiş etdirilən kitablardan mütaliə ediblər.
Sonda "Yaşıl Dünya naminə həmrəylik ili" çərçivəsində Zəfər parkında ağacəkmə aksiyası təşkil olunub.
