Xaçmaz sakinləri əkin sahələrinə texnika aparmaqda çətinlik çəkirlər. Bu haqda ShimalNews 23 oktyabr tarixində Xezerxeber.az-a istinadən məlumat verir.
Xuray kəndində vətəndaşların 25 il istifadə etdikləri yol bağlanıb, keçdikləri yerdən girişlərinə də icazə verilmir. Sakinlər qeyd edirlər ki, bu vaxta qədər qonşunun sahəsindən icazə ilə istifadə ediblər. Lakin bu il onlara qadağa qoyulub.
Kənd bələdiyyəsinin sədri Aslan Məcidov bildirir ki, bu torpaqlar 1997-ci ildə islahat nəticəsində paylanıb. Lakin bağlara gedən yollar düzgün qoyulmayıb. Hazırda yolların elektron xəritəsi hazırlanır, proses yekunlaşan kimi yollar istifadəyə veriləcək.
