Xaçmaz rayonundan olan mədəniyyət xadiminə Prezidentin fərdi təqaüdü veriləcək. Bu haqda ShimalNews 9 may tarixində məlumat verir.
Bununla bağlı İlham Əliyev Sərəncam imzalayıb. Sərəncama əsasən, Azərbaycan mədəniyyətinin inkişafında xidmətlərinə görə, Böyükxanım Əliyevaya Azərbaycan Respublikası Prezidentinin fərdi təqaüdü veriliəcək.
Böyükxanım Əliyeva 1945-ci ildə Xaçmazda anadan olub. Ə.Hüseynzadə adına Azərbaycan Mədəniyyət və İncəsənət Universitetini bitirib. 1973-cü ildən N. Vəzirov adına Lənkəran Dövlət Dram Teatrının aktrisasıdır.
Rolları: Germiona (U. Şekspir "Qış nağılı"), Amaliya (F. Şiller "Qaçaqlar"), Gültəkin (C. Cabbarlı "Aydın"), Sədayə (N. Xəzri "Sən yanmasan"), Nihal (B. Vahabzadə "Yağışdan sonra"), Sənəm xala (M. İbrahimov "Yaxşı adam"), Anjel, Aynur (İ.Əfəndiyev "Məhv olmuş gündəliklər", "Büllur sarayda"), komissar (Vs. Vişnevski "Nikbin faciə") və s.
