Xaçmaz və Qusar rayonlarında yerləşən istirahət mərkəzlərinə baxış keçirilib. Bu barədə ShimalNews 29 iyul tarixində Modern.az-a istinadən məlumat verir.
Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev Xaçmaz rayonunda “Xəzər”, “Şahdağ”, “Ülfət”, “Lokomotiv”, “Təhsil”, Qusar rayonunda isə “Şəfa” istirahət mərkəzlərinə baş çəkib. Millət vəkili korpus otaqlarını və kottecləri, ərazini gəzib. Möhbalıyev, həmçinin yeməkxanalara baxış keçirib.
Sədr mərkəzlərdə istirahət edən insanlarla maraqlanıb, onların fikir və təkliflərini öyrənib.
Baxışdan sonra AHİK-nin sədri mədəniyyət işçiləri üçün Nabran qəsəbəsində yeni tikilməkdə olan istirahət mərkəzində aparılan işlərlə tanış olub.
