Tanınmış nəşriyyat evi Xaçmaz və Qusar şəhərlərində müəllim və şagirdlərlə görüşlər və imza günləri keçirəcək. Bu haqda 11 may tarixində ShimalNews məlumat verir.
Görüşlərdə “Yay Tapşırıqları” kitablarının müəllifi Orxan Bəyov təqdimat keçirəcək. Tədbirlərdə iştirak edənlərə kitablar endirimli qiymətlə təqdim ediləcək.
İmza günü mayın 13-ü saat 11:00-da Xaçmaz şəhərinin N.Nərimanov küçəsində (Xəzər marketin yaxınlığı), mayın 14-ü saat 11:00-da isə Qusarda, Kapital Bankın yaxınlığında (“Pioner” market) baş tutacaq.
Tədbirlər “İZƏ” nəşriyyatı, “Əlaçı” Tədris Mərkəzi və “EDUGRATA”nın təşkilatçılığı ilə təşkil olunacaq.
Müəllimlərə İZƏ nəşriyyatının kitabları hədiyyə olaraq təqdim olunacaq. İştirak ödənişsizdir.
