Xaçmaz və Quba rayonlarında istismarına icazə verilən obyektlərin çıxarışları sahibkarlara təqdim edilib. Bu barədə ShimalNews 22 may tarixində məlumat verir.
Sənədlər Azərbaycan Respublikası Prezidentinin “Qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı əlavə tədbirlər haqqında” Fərmanına uyğun olaraq verilir.
Sahibkarlar mülkiyyət hüququ təsdiq olunmuş əmlakını girov, sığorta, alqı-satqı və digər əməliyyatlar üçün istifadə edə bilərlər.
Adıçəkilən Fərman tikinti-quraşdırma işləri 2023-cü il iyunun 1-dək başa çatmış qeyri-yaşayış təyinatlı binaları əhatə edir. Bu cür obyekt sahibləri 1 yanvar 2025-ci ilədək qeyri-yaşayış binasının layihəsi ilə Fövqəladə Hallar Nazirliyinin (FHN) regional mərkəzlərinə müraciət edə bilərlər.
