Xaçmaz rayonunda Heydər Əliyevin 100 illik yubileyi təntənə ilə qeyd olunub. Bu haqda 10 may tarixində ShimalNews RİH-yə istinadən məlumat verir.
İcra başçısı Elnur Rzayev, yerli hüquq-mühafizə orqanlarının rəhbərləri, idarə, təşkilat və müəssisələrin kollektivləri əvvəlcə ulu öndərin abidəsini ziyarət edib, önünə gül-çiçək dəstələri qoyublar. Daha sonra Heydər Əliyev Mərkəzində onun Azərbaycan xalqı, dövləti qarşısında tarixi xidmətlərini, həyat və fəaliyyətinin mühüm məqamlarını əks etdirən eksponatlara baxış keçirilib.
Elnur Rzayev dahi şəxsiyyətin şərəfli ömür yolundan, müasir müstəqil Azərbaycan dövlətinin güclənməsinə xidmət edən uğurlu fəaliyyətindən geniş danışıb. Sonda tədbir iştirakçıları ümummilli lider Heydər Əliyevin həyat və fəaliyyətinə həsr olunmuş filmə baxıblar.
