Yeni tikilən Xaçmaz rayonu Arif Məmmədov adına Qusarçay kənd tam orta məktəbində şagirdlər dərsə gəlmirlər. Bu haqda ShimalNews 18 dekabr tarixində “Xəzər Xəbər”ə istinadən məlumat verir.
Bu il sentyabrın 12-də adıçəkilən məktəbin açılışı olub. 960 şagird yerlik təhsil ocağının istilik sistemi olsa da, istifadəyə verilməyib. Hər sinifdə oxuyan 25 şagirddən 4-5 nəfər dərslərə gəlir. Soyuq olduğuna görə müəllimlər də üst geyimlərində dərs keçirlər.
Valideynlər yaranmış vəziyyətdən narazıdırlar. Onlar övladlarının sağlamlığını qorumaq haqqında fikirləşirlər.
