Xaçmaz Rayon İcra Hakimiyyətinin başçısı və rayon prokuroru xəstəxanada müalicə alan şəhid anasına baş çəkiblər. Bu haqda ShimalNews 16 may tarixində məlumat verir.
Elnur Rzayev və Rəşad Məmmədov Rayon Mərkəzi Xəstəxanasına yerləşdirilən şəhid anası Bibixanım Məmmədovanın səhhəti ilə maraqlanıblar.
Xəstəxananın direktoru Səyyaf Tağıyev bildirib ki, xanımın müayinə və müalicəsi uğurla davam etdirilir. Şəhid anası tezliklə sağalaraq evinə yola salınacaq.
Bibixanım Məmmədovanın oğlu Sərxan Mirzəməmmədov Vətən müharibəsində şəhidlik ziravəsinə ucalıb. O, ölümündən sonra "Vətən uğrunda", "Cəsur döyüşçü", "Suqovuşanın azad olunmasına görə" və "Xocavəndin azad olunmasına görə" medalları ilə təltif olunub.
[caption id="attachment_60531" align="alignnone" width="640"] Foto Xaçmaz RİH[/caption]
