Xaçmaz rayonu ərazisində suiti cəsədləri aşkar olunub. Bu barədə ShimalNews 8 dekabr tarixində Ekologiya və Təbii Sərvətlər Nazirliyinə istinadən məlumat verir.
Xəzər dənizinin Dağıstan sahillərində suitilərin kütləvi ölüm halları aşkar edilib. Bu səbəbdən Xəzərin ETSN-in əməkdaşları tərəfindən monitorinqlər keçirilib. Yoxlamalar zamanı İstisu qəsəbəsi, Tikanlıoba, Seyidli və Nabran kəndləri istiqamətlərində ümumilikdə 17 suiti cəsədi aşkar olunub.
“Suitilərin ölüm səbəbinin araşdırılması məqsədilə Qida Təhlükəsizliyi Agentliyinin mütəxəssisləri ilə birgə cəsədlərdən nümunə götürüləcək və nəticələr barədə məlumat veriləcək”, - Bioloji Müxtəlifliyin Qorunması Xidmətinin rəisi Firuddin Əliyev bildirib.
