Xaçmazda "Təhsildə yeni çağırışlar” regional konfransı keçiriləcək. Bu haqda ShimalNews 26 aprel tarixində məlumat verir.
Mayın 4-də baş tutacaq tədbir Quba-Xaçmaz Regional Təhsil İdarəsinin tabeliyindəki ümumi təhsil müəssisələrinin pedaqoji heyəti üçün nəzərdə tutulur.
Konfransda Məktəbəqədər və Ümumi Təhsil üzrə Dövlət Agentliyinin direktor müavini Mehriban Vəliyeva, Quba–Xaçmaz Regional Təhsil İdarəsinin müdiri Coşqun Əliyev, ADA Universitetinin prorektoru Vəfa Kazdal, Qazi Universitetinin müəllimi Necati Cemaloğlu, TKTA-nın “Məktəbəqədər və ümumi təhsil müəssisələrində keyfiyyət monitorinqi layihəsi”nin icrası üzrə rəhbəri Nəcməddin Mehtiyev çıxış edəcəklər.
İştirak etmək istəyən hər müəllim “Facebook” profilində “Azərbaycan müəllimi ilə qürur duy, çünki...” cümləsini yazaraq tamamlamalı və hər kəsə açıq formada #dahatəhsilligələcək həştəqi ilə paylaşmalıdır. Sonra isə link vasitəsilə qeydiyyatdan keçməlidir.
