Xaçmaz rayonunda məktəbəqədər təhsil müəssisələrində tərbiyəçi-müəllim vəzifəsi üzrə vakant yerlər elan olunub. Bu haqda ShimalNews 27 aprel tarixində Elm və Təhsil Nazirliyinə istinadən məlumat verir.

1 may 2024-cü il saat 23:59-a kimi 2022-ci ildə məktəbəqədər təhsil müəssisələrində tərbiyəçi-müəllim vəzifəsinə işə qəbul ilə bağlı müsabiqənin test və müsahibə mərhələsində, 2023-cü ildə müsabiqənin test mərhələsində uğur qazanmış şəxslər aşağıda qeyd edilmiş linkə daxil olaraq qeydiyyatdan keçə bilərlər.

Tərbiyəçi-müəllim vəzifəsi üzrə vakansiyalar aşağıda qeyd edilib:

Şəhər / rayon	Təhsil müəssisəsi	Bölmə	Vakant yer sayı	Ştat sayı
Xaçmaz	Хаçmaz şəhəri 5 nömrəli Uşaq Bağçası	Azərbaycan	1	0,5
Xaçmaz	Xaçmaz rayonu Yeni Həyat qəsəbə Körpələr Evi-Uşaq Bağçası	Azərbaycan	1	0,5

Qeydiyyat zamanı namizəd haqda lazım olacaq məlumatlar:

Soyad, ad və ata adı

FİN kod

Müsabiqədə topladığı bal (bilmirsə, boş saxlaya bilər)

Əlaqə nömrəsi

İşləmək istədiyi məktəbəqədər təhsil müəssisəsini siyahıdan seçir.

Müsahibənin təşkili barədə əsas qeydlər:

Bu elana müvafiq olaraq qeydiyyatdan keçib, müsahibədə uğur qazanmış şəxslər yalnız sosial məzuniyyət yerinə təyin oluna bilərlər. Sosial məzuniyyətdən qayıtmış tərbiyəçi-müəllim öz işinə bərpa olunduqdan sonra onların yerinə təyin olunmuş şəxslərin əmək müqavilələrinə xitam veriləcək.

Müraciət üçün verilmiş vaxt bitdikdən sonra namizədlərin test imtahanında topladığı bala əsasən, müraciət edənlər arasında ən yüksək bal toplamış namizəd müsahibəyə dəvət ediləcəkdir. Bu namizəd uyğun olmazsa, müraciət edənlər arasından bal sıralamasına uyğun olaraq, növbəti namizəd dəvət ediləcək.

Yerlərə görə müsahibəyə dəvət zamanı nəzərə alınan müsabiqə balı azala bilər, lakin bu 24 baldan az ola bilməz.

Müsahibəni keçməyən və ya qeydiyyatdan keçib, lakin müsahibəyə dəvət edilməyən namizədlər gələcəkdə təşkil ediləcək müsahibələrə yenidən müraciət edə bilərlər. (Namizədin topladığı bal 1 il üçün keçərlidir)