Xaçmaz şəhərinin Nadir Ələsgərov, Şəmsəddin Sultanov və M.Ə.Sabir küçələrində tullantıların toplanmasına qarşı tədbir görülüb. Bu haqda ShimalNews 2 may tarixində məlumat verir.
Fərdi yaşayış evlərinin qarşısından və səkilərdən tikinti materialları və digər tullantıların yığışdırılması üçün İnzibati Ərazi Dairəsi üzrə nümayəndəlik tərəfindən bildiriş və xəbərdarlıqlar edilib.
Nəticələrin öyrənilməsi məqsədi ilə baxış keçirilib. Nadir Ələsgərov və Şəmsəddin Sultanov küçələrində xəbərdarlıqlara riayət olunması müşahidə olunmuşdur. M.Ə.Sabir küçəsinin sakini isə təyin edilmiş vaxt ərzində təmizliyə riayət etmədiyinə görə, onun barəsində akt tərtib edilib və cərimə edilməsi üçün aidiyyəti qurumlara göndərilib.
