Xaçmazda şəhid Davud Hacıyevin ailəsi rayon rəhbəri tərəfindən ziyarət olunub. Bu barədə ShimalNews 27 iyul tarixində Xaçmaz Rayon İcra Hakimiyyətinə istinadən məlumat verir.
İcra başçısı Elnur Rzayev şəhidin valideynləri ilə görüşüb. Burada şəhidlərimizin əziz xatirəsi hər dərin ehtiramla yad edilib və hər kəsin qəlbində əbədi olaraq yaşayacağı vurğulanıb.
Daha sonra Davudun məktəb illərini və keçdiyi şərəfli döyüş yolunu özündə əks etdirən fotostendlərlə baxış keçirilib. O, ailəsinin tək övladı idi.
Davud Hacıyev Vətən müharibəsi başlayanda cəbhəyə yollanan ilk könüllülərdən olub. O, ölümündən sonra “Füzulinin azad olunmasına görə”, “Cəbrayılın azad olunmasına görə” və “Vətən uğrunda” medalları ilə təltif olunub.
