Xaçmazın icra başçısı Elnur Rzayev, yerli hüquq mühafizə orqanlarının və xidmət təşkilatlarının rəhbərləri Niyazoba kəndində səyyar qəbul keçiriblər. Bu haqda ShimalNews sentyabrın 16-da xəbər verir.
Görüşdə Niyazoba, Əbilyataq, Qarabağlı, Ağçay və Qarğalıq kəndlərinin sakinləri iştirak ediblər.
Onlar elektrik təsərrüfatının yenilənməsi, təbii qazın çəkilişi, su ilə təchizatın yaxşılaşdırılması, rabitə və internetlə bağlı müraciətlər səsləndiriblər.
İcra başçısı həmin məsələlərin aradan qaldırılması istiqamətində müvafiq tapşırıqlarını verib. Onların bəziləri yerindəcə həll edilib.
