Xaçmaz rayonunda Heydər Əliyevin 101-ci ildönümünə həsr olunmuş konfrans keçirilib. Bu haqda ShimalNews 8 may tarixində məlumat verir.
Rayon İcra Hakimiyyətinin başçısı Elnur Rzayev və digər qonaqlar çıxışlarında Heydər Əliyevin həyat yolu, zəngin və çoxşaxəli irsi, zəngin dövlətçilik təcrübəsindən danışıb, xalqımızın sülh və əmin-amanlıq şəraitində yaşaması naminə göstərdiyi fədakarlıq nümunələrindən söz açıblar. İştirakçılara ümummilli liderin həyat və fəaliyyətindən bəhs edən videoçarx nümayiş olunub.
Tədbir mədəniyyət işçilərinin hazırladığı konsert proqramı ilə davam edib.
