Xaçmaz rayon Heydər Əliyev Mərkəzində ulu öndərin 100 illiyi ilə əlaqədar silsilə tədbirlər davam edir. Bu haqda 2 may tarixində ShimalNews adıçəkilən Mərkəzə istinadən məlumat verir.
Budəfəki tədbir 7 saylı tam orta məktəbin 5-ci sinif şagirdləri ilə "Ömrü bizə örnək olan dahi öndər - Heydər Əliyev" adlı dəyirmi masa olub. Mərkəzin elmi əməkdaşı Nigar Bayramova və məktəbin müəllimi Könül Kərimova məktəblilərə Heydər Əliyevin xalqı qarşısında göstərdiyi xidmətlərindən geniş və ətraflı məlumat verib.
Şagirdlər, həmçinin ulu öndərin Xaçmaza səfərlərini əks etdirən "Heydər Əliyev xaçmazlıların xatirəsində" başlıqlı sərgi ilə də yaxından tanış olublar.
