Əmlak Məsələləri Dövlət Xidmətinin (ƏMDX) Xaçmaz ərazi şöbəsinin müdirinin məhkəməsi davam edir. Bu haqda ShimalNews 28 noyabr tarixində “Qafqazinfo”ya istinadən məlumat verir.
Bakı Ağır Cinayətlər Məhkəməsində keçirilən iclasda torpaqların özəlləşdirilməsi zamanı qanunsuz əməllərə yol vermiş Aydın Cəfərov və digər 6 vəzifəli şəxsin vəkilləri müvəkillərinin ev dustaqlığına buraxılmaları ilə bağlı vəsatətlər qaldırıblar. Şəlalə Həsənovanın sədrlik etdiyi hakimlər heyəti vəsatətləri 4 təqsirləndirilən şəxsə münasibətdə təmin edib.
Qərara əsasən, Cəfərov barəsində seçilmiş həbs qətimkan tədbiri ev dustaqlığı qətimkan tədbiri ilə əvəz edilib.
Daha öncə torpaqların özəlləşdirilməsi zamanı qanunsuz əməllərə yol vermiş Əmlak Məsələləri Dövlət Xidmətinin və bələdiyyələrin 19 vəzifəli şəxsinin Baş Prokuror yanında Korrupsiyaya qarşı Mübarizə Baş İdarəsi tərəfindən cinayət məsuliyyətinə cəlb edilmələri barədə məlumat vermişdik.
