Bələdiyyə seçkilərində özü və ya yaxın qohumları namizəd olan dairə seçki komissiyalarının (DSK) üzvləri vəzifədən azad ediliblər.
Shimal.News xəbər verir ki, bununla bağlı məsələ Mərkəzi Seçki Komissiyasının (MSK) dekabrın 29-da keçirilən iclasında müzakirə olunub.
Əvvəlcə Komissiyanın 21 dekabr 2024-cü il tarixli iclas protokolu təsdiq edilib. Sonra bəzi seçki dairələri dairə seçki komissiyalarının tərkibində dəyişiklik olunması məsələsinə baxılıb. Mərkəzi Seçki Komissiyası Seçki Məcəlləsinin tələblərini əsas götürərək, 56 saylı Şabran – Xaçmaz, 116 saylı Qəbələ, 1 saylı Şərur – Sədərək, 3 saylı Babək – Şahbuz – Kəngərli, 7 saylı Səbail, 8 saylı Binəqədi birinci, 16 saylı Yasamal ikinci, 20 saylı Nərimanov ikinci, 46 saylı Sumqayıt beşinci, 47 saylı Sumqayıt – Abşeron – Qaradağ, 51 saylı Şirvan, 66 saylı Saatlı, 68 saylı Sabirabad – Şirvan, 72 saylı Cəlilabad kənd, 81 saylı İmişli, 86 saylı Ağcabədi, 95 saylı Zərdab – Kürdəmir – Ucar və 112 saylı Zaqatala seçkii dairə seçki komissiyasının tərkibində dəyişiklik edib.
