Quba-Xınalıq yolunun təhlükəli olması onun daim nəzarətdə saxlanılmasını tələb edir.
Bir tərəf dərə, bir tərəf dağ. Onun bəzi hissələrində yalnız bir nəqliyyat vasitəsinin keçidi mümkündür. İlin müxtəlif vaxtlarında dağlardan düşən qaya parçaları yolun bağlanmasına belə səbəb olur.
Xınalıq kəndinə ilk avtomobil yolu ötən əsrin 70-ci illərində çəkilib. O zaman uzunluğu 70 km idi. Sonradan isə 57 km-dək qısaldılıb.
Dağların əhatəsi və Qudyalçayın sahili ilə uzanan marşrut mürəkkəb relyef ərazidən keçməklə 15 kəndi birləşdirir.
Bilal Sultanov, sahə rəisi: “Qış mövsümü ilə əlaqədar nəqliyyatın intensiv və təhlükəsiz hərəkətini təmin etməkdən ötrü əraziyə lazımi qədər qum və duz ehtiyatları yolun çiyin hissələrinə toplanmış və suötürücü boruların giriş-çıxışları təmizlənmiş, körpü üzərindəki yağış barmaqlıqları işlək vəziyyətə gətirilmişdir. Ərazidə 2 ədəd növbətçi texnika və kifayət qədər canlı qüvvəmiz var”.
Bütün bunlara baxmayaraq, turistlərə qış aylarında bu yolla səyahət etmək tövsiyə olunmur.
[video width="1080" height="1080" mp4="https://shimal.news/storage/photos/2023/12/smm.mp4"][/video]
