“Türkdilli Dövlətlərin Xizək Kurortları İttifaqı qarşılıqlı turist axınının artmasına töhfə verəcək”.
Report.az-ın məlumatına görə, bunu Dövlət Turizm Agentliyi sədrinin müşaviri Kənan Quluzadə Türkdilli Dövlətlərin Xizək Kurortları İttifaqının 1-ci sammitində bildirib.
O qeyd edib ki, Azərbaycanın tanınmış turistik məkanı olan "Tufandağ" Dağ Kurortunun indi ittifaqın üzvü olması xüsusi qürur mənbəyidir:
"Azərbaycanın sədrliyi və növbəti illər ərzində birgə turizm layihələrinə dəstək vermək öhdəliyimizi bildirmək istəyirəm. Turizm əlaqələrinin ildən-ilə artmasından məmnunuq".
