Təhsil Tələbə Krediti Fondunun və “Regional İnkişaf” İctimai Birliyinin əməkdaşları tərəfindən İsmayıllıda görüşlər təşkil edilib. Bu haqda 22 iyul tarixində ShimalNews RİH-yə istinadən məlumat verir.
Tədbir 20-21 iyul tarixlərində keçirilib. Burada iştirakçılara tələbə portalından istifadə qaydaları, kreditin verilmə şərtləri, növləri və tətbiq edilən güzəştlər haqqında geniş məlumat verilib.
Tələbə krediti təhsilin hər kəs üçün, xüsusilə də əhalinin aztəminatlı təbəqələrindən olan şəxslər üçün əlçatanlığının təmin edilməsi, təhsildə bərabər imkanların yaradılması və təhsilin əhatə dairəsinin genişləndirilməsi məqsədilə dövlət dəstəyi əsasında çox kiçik faizlərlə və uzun müddətə verilir.
