“Azərbaycan Hava Yolları” aviaşirkətinin Aktau şəhərinin yaxınlığında qəzaya uğrayan təyyarədə həlak olan və xəsarət alan vətəndaşlara qəza ilə əlaqədar təzminat barədə hüquqşünas rəy bildirb.
Avtosfer.az-ın məlumatına görə, hüquqşünas Samir Qasımov bildirib ki, “İcbari sığortalar haqqında” qanuna əsasən, hava nəqliyyatında səyahət edən sərnişinlərin həyatı və sağlamlığı icbari şəkildə sığorta olunur:
“Hər bir sərnişinin vəfat etməsi halında, 5000 AZN sığorta şirkəti tərəfindən onların vərəsələrinə ödənilməlidir. AZAL öz məsuliyyətini hansı şirkətdə sığortalayıbsa, həmin şirkət ödənişləri həyata keçirəcək. Hər bir halda icbari sığorta bürosu AZAL ilə müqaviləsi olmasa belə, o məbləği ödəyəcək.”
Hüquqşünas sonda vurğulayıb ki, qanunda olmasa belə dövlət zərərçəkənlərin ailələrinə yardım göstərə bilər.
