Aktauda təyyarə qəzası keçirən 48 yaşlı sərnişin baş verən hadisənin təfərrüatlarını bölüşüb.
Bu barədə Shimal.News Zakon.kz-a istinadən məlumat verir.
Onun sözlərinə görə, təyyarə bir neçə dəfə eniş etməyə cəhd edib, amma bu mümkün olmayıb. Ardınca sərnişinlər güclü bir səs eşidiblər və sonra təyyarə fırlanmağa başlayıb.
“Təyyarənin arxa hissəsi aşağı əyilmişdi. Pilotlara təşəkkür edirəm, onlar manevrləri ilə bizi xilas etdilər. Əgər onlar olmasaydı, hamımız həlak olardıq”, — deyə Subxonkul bildirib.
Onun sözlərinə görə, ətrafında əyləşən hər kəs sağ qalıb. Düzdü bir çox sərnişin yaralanıb və kömək istəyiblər.
Hal-hazırda Subxonkul güclü baş ağrılarından əziyyət çəkir, amma ciddi xəsarətləri yoxdur. O, Yekaterinburqda yaşayır və Bakı üzərindən Qroznıya uçurdu.
“Mash” daha əvvəl bildirmişdi ki, pilotlar daha böyük faciənin qarşısını almağa müvəffəq olub və təyyarəni yaşayış evlərindən uzaqlaşdıraraq, Səina Şapagatova kəndindən kənara yönəldiblər. Kəndə 2 km qalmağına baxmayaraq ekipaj təyyarəni uzaqlaşdıra bilib.
