Quba-Xaçmaz Regional Gənclər və İdman İdarəsinin Siyəzən rayonu üzrə gənclər və idman sektorunun təşkilatçılığı ilə Siyəzən Gənclər Evində "Gender bərabərliyi" mövzusunda seminar keçirilib.
Shimal.News xəbər verir ki, seminarda Siyəzən rayonu üzrə gənclər və idman sektorunun aparıcı məsləhətçisi Cavidan Hüseynov və şəhər 4 nömrəli tam orta məktəbin psixoloqu Yeganə Məmmədova çıxış edib.
Mühazirəçilər gender problemi, qadın hüquqları, müxtəlif fəaliyyət sahələrində və məişətdə gender balansının qorunması, gender zəminində formalaşmış ayrı-seçkiliyin səbəbləri, ona qarşı mübarizə və mövzu ilə bağlı digər məsələlər haqqında iştirakçılara ətraflı məlumat veriblər.
Seminar qarşılıqlı müzakirə şəklində davam edib.
