Şimalda küləkli və yağıntılı hava şəraiti davam edir.
Shimal.News xəbər verir ki, bu barədə Milli Hidrometeorologiya Xidməti məlumat yayıb.
Bildirilib ki, hazırda bəzi yerlərdə şimal-qərb küləyi əsir, küləyin maksimal sürəti Şahdağda 17 m/s-dək güclənib.
Dağlıq ərazilərə qar yağır, yağan qarın hündürlüyü Şahdağda 9, Qaxda (Sarıbaş) 5, Qusarda (Laza) 4, Qrızda 3, Xınalıqda 2 sm-dir.
Düşən yağıntının miqdarı isə Zaqatalada 72, Balakəndə 50, Qəbələdə 15, Quba 5 və Şabranda 1 mm-dir.
Dağlıq rayonlarda 7 dərəcəyədək şaxta qeydə alınıb.
