Azərbaycan Qida Təhlükəsizliyi Agentliyi (AQTA) Qurban bayramında fəaliyyət göstərəcək heyvan satışı və kəsimi yerləri barədə məlumat yayıb.
Shimal.News xəbər verir ki, bu il üçün Azərbaycanda Qurban bayramı 6-7 iyunda qeyd olunacaq. Qurbanlıq heyvan kəsimi və satışının müvafiq norma və qaydalara uyğun, sağlam və rahat şəraitdə həyata keçirilməsi məqsədilə bu il ölkə üzrə 126 ünvanda qurbanlıq heyvanların satışı və kəsimi xidmətləri təşkil ediləcək.
Bununla yanaşı, bir sıra regionlarda Qida Təhlükəsizliyi Agentliyi ilə razılaşdırılmaqla səyyar heyvan kəsimi çadırları quraşdırılaraq qurbanlıq heyvanların baytarlıq nəzarəti altında kəsimi və satışı təmin ediləcək.
Vətəndaşlar bayram günlərində saat 08:00-dan 20:00-dək qurbanlıq heyvanları satmaq, almaq və ya kəsdirmək üçün xidmətlərdən istifadə edə bilərlər.
Şimal bölgəsi üzrə qurbanlıq heyvanların satışı və kəsimi yerləri barədə məlumatları agentliyin saytına daxil olmaqla, eləcə də aşağıdakı cədvəldən əldə edə bilərsiniz:
İsmayıllı - İsmayıllı şəhəri, H.Əliyev prospekti 7, "Yaşıl Bazar" ticarət mərkəzi;
Oğuz - Oğuz şəhəri ilə Xalxal yolunun kəsişməsi;
Quba - Quba şəhəri, "Dəvədabanı" yaşayış massivi;
Qusar - Ç.Qurbanov küçəsi 10A, Qusarçay çayının sahili;
Şabran - Şabran şəhəri, M.Müşfiq küçəsi 7;
Şamaxı - Şəhriyar qəsəbəsi, Şamaxı-Göylər yolu; Əngəxaran avtomobil yolu;
Qax - Qax şəhəri, İ.Dağıstanlı küçəsi 1;
Qəbələ - Qəbələ şəhəri, H.Əliyev prospekti 9;
Balakən - Hənifə kəndi;
Şəki - Şəki şəhəri, S.Mümtaz küçəsi;
Siyəzən - Beşdam bələdiyyəsinin ərazisi;
Xaçmaz - Qaraqurdlu kəndi;
Zaqatala - Muxax kəndi; Əliabad qəsəbəsi; Aşağı Tala kəndi.
