Mərkəzi imtahanla qəbul həyata keçirilən lisey və gimnaziyalara qeydiyyat prosesi başlayır.
Shimal.News xəbər verir ki, bu barədə Təhsil İnstitutu məlumat yayıb.
Bildirilib ki, mərkəzi imtahanla şagird qəbulu həyata keçirilən lisey və gimnaziyalara qeydiyyat prosesi 5 iyun saat 15:00-dan etibarən başlayır. Qeydiyyat 20 iyun tarixinə qədər davam edəcək.
Qeydiyyat prosesi yalnız Şagirdlərin Elektron Yerdəyişmə Portalı - sy.edu.az vasitəsilə aparılacaq. Valideyn və ya qanuni nümayəndə portal üzərindən müvafiq seçimləri edərək qeydiyyat prosesini elektron qaydada tamamlaya bilər.
Əlavə məlumat və texniki dəstək üçün sy.edu.az platformasında şəxsi kabinetə daxil olaraq "Əks əlaqə" bölməsindən "Mərkəzi imtahan seçimi" qeydi vasitəsilə müraciət edə bilərsiniz.
Şimalda qəbul prosesi həyata keçirilən müəssisələr ilə tanış ola bilərsiniz:
- Xaçmaz şəhəri Akademik Zərifə Əliyeva adına 8 nömrəli lisey;
- İsmayıllı şəhəri internat tipli Talıstan liseyi;
- Quba şəhər, Fizika, riyaziyyat və informatika təmayüllü lisey;
- Şamaxı şəhər, texniki, humanitar və təbiət təmayüllü lisey;
- Şəki şəhəri, Kimya-biologiya təmayüllü lisey;
- Oğuz şəhəri, E.Abdullayev adına 2 nömrəli texniki və təbiət fənləri təmayüllü lisey.
Mərkəzi imtahanla qəbul həyata keçirilən lisey və gimnaziyalara qəbul qaydaları ilə tanış ola bilərsiniz:
Lisey və gimnaziyalara qəbul qaydaları
Qeyd edək ki, lisey və gimnaziyalara qəbul imtahanı aşağıdakı tarixlərdə həyata keçiriləcək:
25 iyun 2025-ci il - 7 və 8-ci siniflərə qəbul
26 iyun 2025-ci il - 6-cı siniflərə qəbul
27 iyun 2025-ci il - 5-ci siniflərə qəbul.
