Quba və Xaçmaz zonasında çox ciddi baytar həkimi çatışmazlıqları var.
Moderator.аz-ın məlumatına görə, bunu Aqrar elmləri üzrə fəlsəfə doktoru, dosent Şəlalə Zeynalova deyib.
“Biz baytar həkimi yetişdirdiyimizi desək də, yenə də bu sahədə çatışmazlıqlar var. Çünki Azərbaycanda fərdi təsərrüfatlar çoxdur. Bu da fərdi baxım istəyir. Bu da o demək deyil ki, baytar həkim çoxalarsa problem yaşanmayacaq. Peşəkar həkim lazımdır. Əsas kəmiyyət yox, keyfiyyətdir”, - deyə Ş.Zeynalova bildirib.
Azərbaycan Dövlət Aqrar Universitetinin “baytarlıq fakültəsinə” bu il 180 tələbə qəbul olunub. Onlardan 150 nəfəri Azərbaycan sektorunda, 15 nəfəri İngilis dili, 15 nəfər isə rus sektorunda təhsil alacaq.
