Quba və Xaçmaz rayonları ərazisində yaşıllıqlar məhv edilib. Bu haqda ShimalNews 1 may tarixində xəbər verir.
Dövlət Ekoloji Təhlükəsizlik Xidmətinin məlumatına əsasən, ağac və kolların qanunsuz kəsildiyi ərazilər aşağıdadır:
- Xaçmaz rayonu Çaykənarı kəndi ərazisində Gödəkli bələdiyyəsinin mülkiyyətində olan torpaq sahəsi;
- Xaçmaz rayonu Xəzərli kəndi ərazisindən keçən Alpançayın sahilində və kəndin Çaykənarı bələdiyyəsinin mülkiyyətində olan torpaq sahəsi;
- Quba rayonu Xaltan kəndi ərazisində yerləşən pay torpaqlarında,
- Xaçmaz rayonu Fərzəlioba kəndinin ərazisində, Köhnə Xudat bələdiyyəsinin mülkiyyətində olan torpaq sahəsi.
Faktlarla bağlı akt tərtib olunub. Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
