Ölkə ərazisində yağıntılı hava şəraiti müşahidə olunub. Milli Hidrometeorologiya Xidməti göstəriciləri açıqlayıb.
Shimal.News məlumat verir ki, Şimalın bəzi ərazilərində yağıntılar leysan xarakterli intensiv və güclü olub. Şahdağa isə qar yağıb.
Düşən yağıntının miqdarı Şəkidə (Kişçay) 47 (aylıq normanın 45 % -i), Qaxda (Sarıbaş) 37 (aylıq normanın 30 % -i), Zaqatalada 22, Oğuzda 19, Qəbələdə 17 və Balakəndə 13, Qrızda 11, Qusar, Xınalıq, Xaltan, Quba, Altıağac, İsmayıllı və Şabranda 1-10 mm təşkil edir.
Balakən, Qax, Şəki, Qəbələ, Altıağac, Qusar, Şamaxı və Qrızda duman müşahidə olunur, görünüş 500 m-dək məhdudlaşıb.
Havanın minimal temperaturu dağlıq rayonlarda 6 dərəcəyədək yenib.
