Şimal bölgəsinin dağlıq ərazilərində qurulmuş seçki məntəqələrində seçkiyə hazırlıq vəziyyəti araşdırılıb. Bu haqda ShimalNews 2 fevral tarixində “Secki-2024.az”a istinadən məlumat verir.
Qusar rayonunun Yerği Kek, Quba rayonunun Xınalıq və Cek kəndləri, İsmayıllı rayonunun Qalacıq kəndi də yüksək hündürlüklü yaşayış massivlərindəndir. 89 saylı İsmayıllı seçki dairəsinin 32 saylı məntəqə seçki komissiyasının sədri Xanlar Şıxıyev bildirib ki, istənilən məsafədə yerləşən bütün məntəqələrdə seçkilərin keçirilməsi üçün tam təminat yaradılıb.
"Qalacıq kəndi Azərbaycanın ən hündür yaşayış məskənlərindən biridir. Dəniz səviyyəsindən 1 200 metr yüksəklikdə yerləşən kəndimiz rayon mərkəzindən 30 kilometr uzaqlıqdadır. Buna baxmayaraq, kəndimiz bütün ictimai-siyasi proseslərdə fəallığı ilə seçilir. Seçki məntəqəsi üzrə 1 170 seçici qeydiyyatdadır. Onlardan 18 nəfər ilk dəfə səs verənlərdir" - sədr söyləyib.
Məntəqə ərazisində ən yaşlı seçici 94 yaşlı Ağam Məlikovdur.
