Şimal bölgəsində may ayında havanın temperaturu açıqlanıb. Bu haqda ShimalNews 1 may tarixində Milli Hidrometeorologiya Xidmətinə istinadən məlumat verir.
Bu ay havanın temperaturu günbəgün artacaq. Mayda havanın orta aylıq temperaturu iqlim normasına yaxın, bəzi yerlərdə isə bir qədər yüksək olacaq. Aylıq yağıntının miqdarının əksər rayonlarda iqlim normasına yaxın olacağı ehtimal edilir.
İsmayıllı, Quba, Xaçmaz və Qusar rayonlarında havanın orta aylıq temperaturunun 15-17 dərəcə isti olacağı gözlənilir. Havanın temperaturu gecələr 12-17 dərəcə, gündüzlər 20-25 dərəcə isti, bəzi günlərdə 27-32 dərəcə isti olacağı gözlənilir.
Aylıq yağıntının miqdarı iqlim normasına yaxın olacaq (norma 26-166 millimetr).
