Quba-Xaçmaz Regional Gənclər və İdman İdarəsinin rəhbərliyi (Gİİ) vətəndaş qəbulu keçirib. Bu haqda ShimalNews 2 may tarixində məlumat verir.
Görüş Quba Olimpiya İdman Kompleksində baş tutub. Burada Xaçmaz, Quba, Qusar, Siyəzən və Şabran rayonlarında yaşayan 15 vətəndaş iştirak edib. Onlar, əsasən, idman dərəcəsinin verilməsi, ucqar kəndlərdə maarifləndirici tədbirlərin təşkili, idman avadanlıqları ilə təmin olunma, futbol idman növü üzrə yarışların keçirilməsi haqqında müraciət ediblər.
