Dövlət Gömrük Komitəsinin (DGK) sədri general-leytenant Şahin Bağırov vətəndaşları qəbul edəcək. Bu barədə ShimalNews 14 iyun tarixində məlumat verir.
Görüş iyunun 21-i saat 11:00-da Xaçmaz şəhərində yerləşən Tarix Diyarşünaslıq Muzeyində (ünvan: Heydər Əliyev prospekti, 1) keçiriləcək. Burada Xaçmaz, Quba, Qusar və Şabran rayonlarından olan vətəndaşların gömrük məsələləri ilə bağlı müraciətləri dinləniləcək.
Qəbulda iştirak etmək istəyənlər “195” Çağrı Mərkəzi, Dövlət Gömrük Komitəsi (əlaqə telefonu: (012) 404-22-00) ilə əlaqə saxlayaraq və ya qurumun rəsmi internet səhifəsinin “Müraciətlər” və “Virtual qəbul” bölmələrindən daxil olmaqla (https://customs.gov.az/az/muracietler/sedre-mektub/) qəbula yazıla bilərlər.
